Антена 5 Вести

Halsey, Mabel, Ava Max со настапи на MTV EMA

Halsey, Ava Max, Mabel, Akon, Becky G и Rosalia се првите изведувачи најавени за MTV европските музички награди, глобалното музичко шоу кое ќе биде одржано на 3 ноември во Севиља, Шпанија.

Поп ѕвездата Halsey се враќа на наградите со 3 номинации – Најдобра соработка, Најдобар поп изведувач и Најдобар имиџ. Неодамна го издаде новиот сингл “Graveyard” од албумот “Manic” кој е предвиден за издавање кон средината на јануари 2020 година.

И шпанската ѕвезда Rosalia повторно ќе се појави на MTV европските музички награди, а годинава може да се пофали со 4 номинации – Најдобар спот, Најдобра соработка, Најдобар имиџ и Најдобар push изведувач.

Своето деби на наградите ќе го имаат Becky G, Ava Max и Mabel.

Becky G, која е и водител на MTV EMA, годинава го издаде својот прв албум “Mala Santa”. Во текот на настапот ќе ја придружува музичкиот ветеран Akon со кого ќе ја изведе “Como No”, нумера од неговиот прв албум отпеан на шпански јазик “El Negreeto“.

Според извештаите, новата музичка надеж Mabel ќе ја изведе “Don’t Call Me Up,” од нејзиниот деби студиски албум “High Expectations.”

Во деновите кои претстојат ќе бидат објавени нови изведувачи кои ќе настапат на за MTV европските музички награди.

22.10.2019
Музички времеплов
  • 2001 - Поранешниот член на Beatleѕ, George Harrison, умира од рак на 58 години. Сочуство за George искажуваат британската Кралица, George Bush, Paul McCartney, Ringo Starr, George Martin и гитаристот на Oasis, Noel Gallagher.
  • 1941 - Роден е Denny Doherty од Mamas And The Papas. 'Monday Monday'
  • 1999 - Пејачот на Oasis, Liam Gallagher, исчезнува откако три дена претходно ја напушта својата куќа. Бендот на крајот на неделата треба да патува во САД на турнеја.
  • 1976 - Локалната власт во Ланчестер Поли, Англија го забранува концертот на Sex Pistols. Претставникот изјавува: 'Не сакаме таква грдотија во границите на градот'.
  • 1997 - UK No.1 Elton John, Bono, Tom Jones, David Bowie и редица други изведувачи со добротворниот сингл 'Perfect Day'
  • Повеќе
Фреквенции
Скопје